الثلاثاء، 2 يوليو، 2013

الحلم ...




الحلم

عارفين الحلم ؟؟ 
آآآآآآآآآآه طبعا عرفين كلنا بنحلم إيه دا ؟؟ أفتكاسة ياعنى ؟؟
لاء عارفين لما تحلم وأنت صاحى تسرح وتروح لبعيد تخبط فى دماغك حاجات بسيطة  أو تقيلة كبيسة بس حلوة اوووووووى بطعم السكر الدايب فى تلفيف الذاكرة وأنت شامم ريحة فراولة فى غير أونها !!
تؤووووووم أييييييييية ؟؟ 
تضحك وتبتسم وقلبك راضى كدا وأنت بس اللى تبئا فاهم بتبسم
 لييييييييييييييييييه ؟؟؟
تفتكر تفاحة ليها معنى أو أغنية بتسمعها بشكل معين وفهم معين لحد معين..أو حتة مزيكا حلو بتلفك وترجعك ورااااااااا فتتنهد و خلاياك سعيدة.. أومكان كل ماتفتكرة تروح لحد عنده وأنت فى مكانك ...أو كلمة أنت بس اللى أتوصفت بها... أو ضحكة رنت ومع ذكراها قلبك بيتزغزغ ويضحك :) كأنها لسة حااااااااااااااااالا بنار الفرحة !...

الحلم وأنت صاحى وسرحان بيكون أغلبه مش ذكريات بس لاء بالعكس أغلبة تمنى كمان ...
تمنى أن اللى راح يرجع أويحصل شبهه أو أن أحلى منه يحصل...
 وتفضل تتخيل بئا فى اللى أحلى منه .. ..
قلبك يرعش حبتين ويعيونك ترغرغ تلات حبات ولو زى حالاتى هبل ومجانين تعيطوا وتضحكوا فى نفس ذات المومنت :) وأنتم مبسوطين أوى ههههههههههه ماتعرفش ليه !!؟؟

أنا بعتبر الأوقات دى من رحمة ربنا علينا أنه بيدى الناس قدرة أنهم يحسوها ويعشوها على فكرة .....
مش كل الناس بتقدر تحسها وتعشها فى ناس بتستغرب الكلام دا جدا لاء جدا جدا ..
 أنما بالنسبة ليا هى طبطبة ربنا على قلبى أو بمعنى أصح من ضمن طبطبات ربنا على قلبى .... ربنا بيطبطب على قلوبكم بالشكل اللى يرضيكم ويريحكم ...
بس كتير مابنكونش واخدين بالنا !!!!!!!!


مسائكم وصباحكم أحلام حلوة كل واحد وشاطرته بئا نوم أو يقظة :)

هناك 26 تعليقًا:

Noha Saleh يقول...

طيب تعرفى بقى إن أحلام اليقظة دى جميلة أوى
وخصوصا الذكريات
لازم كل يوم أفتكر ذكريات الطفولة
كمان أحلام اليقظة اللى لهاعلاقة بالمستقبل يجابية كده وبتنجز برضه :))))

أميرة يقول...

انا اكتر حد عايش في الاحلام ، احلامك سعيدة ويارب تتحقق ، بس حلوة الصورة دي انا عايزة اروح هناك :D

Fadwa Fouad يقول...

ما شاء الله على كم التفاؤل والحياة إللى فى كلامك ^_^ دامت فرحتك وقلمك .

منى يقول...

هههههههههه يعنى انتى تقوليلى اشيل التدقيق من عندى وانتى عامله كل الاحتياطات الامنيه دى

بس كلامك حسيته اوى يمكن عشان كتير بمر بالحالات دى زبحب جدا ريحه الفراوله مش اكلها حايه انها بتفكرنى بزمن معين بجد الاحلام من اكبر النعم
سلام

Aya Mohamed يقول...

صباحك لحظات سعادة حالمة
انا من الناس اللى على طول عايشة فى الحلم اللى انتى قولتى عليه ده
تقريبا مش بفوق غير نادرا يعنى :)))
بس فعلا هى طبطبه من ربنا علينا
ربنا يسعد قلبك دايما يارب

heba atteya youssef يقول...


أنت صاحى تسرح وتروح لبعيد تخبط فى دماغك حاجات بسيطة أو تقيلة كبيسة بس حلوة اوووووووى بطعم السكر الدايب فى تلفيف الذاكرة وأنت شامم ريحة فراولة فى غير أونها !!

وصف رائع .. صادق .. معبر

تحياتي

رحــــيـل يقول...

هااااااااا
تنهيدة كبيره لحد عندك :)
انا متفقة جدا معاكي فى كل كلمة فى الموضوع ده

شيرين سامي يقول...

أحلام اليقظة تقريباً عايشه فيها على طول
الأحلام التانيه دي ربنا يبعدها عني مبحبهاش :)

جميله التدوينة يا مارو
:)

momken يقول...

......

جميل التخيل او التصور وكما يطلق عليه البعض حلم اليقظه
برغم ان كل امثالك انصبت على التذكر اصﻵ
اعجبتنى الفكره والمعالجه

بس قوليلى بقى يعنى ايه تفاحه ليها معنى ؟
دى مفهمتهاش ولو كان معناها -والعياذ بالله -حاجه عيب يبقى بﻵش تقولى

حلو البوست

....

مها البنا يقول...

الأحلام دي بتكون جميلة قوي ..
خاصة لما تفتكري موقف مضحك قوي وتشوفيه تاني ادام عينيكي
بتبقى بجد مش عارفة تشيلي البسمة أو تداريها عشان محدش يسألك بتضحكي ليه

لحظات فعلا بنعيشها رحمة من ربنا بقلبنا الضعيف :)

P A S H A يقول...

جميل أوي يا مارو النص ده
:)
ربنا يا رب يسعدك ويفرح قلبك على الابتسامة الجميلة اللي رسمتيها على وشنا بكلامك الجميل ده :)

re7ab.sale7 يقول...

عسل يا مارو بجد
كلامك كله صح

richardCatheart يقول...

نهى صالح :)
هههههههههههه الله عليكى تماااااااام متفقن كدا يا نى نى هههههههههههه
منورانى بطلتك الحلوة

richardCatheart يقول...

أميرة :)

اممممممم واضح ان كل الجميلات الموهوبات عيشين احلام اليقظة ههههههههه والنبى يا اميرة وانا كمان هموووووووت واروح هناك :))

منورانى يا احلى اميرة

richardCatheart يقول...

فدوى :)

حاولت اغير لانى امبارح نزلت بوست كان يوجع درجة انهم أفتكروه كلام حد مات هههههههههههه
ربنا يخليكى يا فدوى وسعيدة بجرعة التفاؤل اللى وصلتك

منوارنى اوى شرفتى المدونة

richardCatheart يقول...

منـــى :)

هههههههه هعمل اييييييييه ؟؟ الواحد من كتر الهم اللى شافة من النفوس التعبانه كان لازم يعمل اشراف عالتعليقات الناس ملهاش ذنب تشوف كلام فارغ وبعدين مش كفاية مشورتينى بسبب تعليقك روحت اجرى اشوف التدقيق على التعليقات هههههههه

انا كمان بحب ريحة الفراولة مش اكلا بحسه بهجة ناعمة :) وجميل انك بتعيشى الاحساس وبتستمتعى بطبطبة ربنا عليكى :)

نورتينى يا منى جدا

richardCatheart يقول...

آية محمد :)

كدا انتى عاملة دماغ طبطبة عاااااااااااااالية اوى هههههههههه ربنا يدمها عليكى نعمة يارب مبسوطة ان البوست عجبك ويارب يسعد كل ايامك يا آية :)

منورانى اوووووووى

richardCatheart يقول...

هبــــــــــة :)

شكراااااااااااااا يا هبة جداااااااا سعيدة انها وصلتك اوى :)

منورانى منورانى

richardCatheart يقول...

رحيييييييل :)


تنهيدة كبيرة بردو لحد هندك هيييييييييييييييييييييييييح طيب :) :)

ميرسى يا قمرايه اوى ويارب ديما تفقين :)

منورانى اوى يا جميلة

richardCatheart يقول...

شييييييرى :)

يارب يديم عليكى كل اللى بتحبية وياااااااااارب ديما مستمتعة بأحلام يقظتك أو أحلام نومك يا شيرى :)

منورانى اوى جدا خااااااااااالص يا قلبى

richardCatheart يقول...

ممكن ألا ممكن :)

الحقيقة يا فنان انا مفهمتش ياعنى أمثالى أتصيتوا على التذكر أصلا !! لان مشكلتى ولللاسف اللى بتذيز مع السن ان ذاكرتى ضعيفة جداااا وخاصة فى التفاصيل اه مابنساش المواقف انما التفصيل مشكله سبحان الله رغم حبى للتفاصيل والحقيقة لان من نعمة ربنا عليا الخيال الواسع فعظم اللى بكتبة نتيجة تخيل حتى لو ماوقف سمعتة ومعشتوش بتخيلة وطبعا حسب رؤيتى بعيد عن حقائق الواقعة :) بس اهو الصيت ولا الغنى يا سيدى انا موافقة


ثانيا انا فى غاية الانشكاااااااااااااااااااااااااااح لان الفكرة والمعاجة عجبوبك بالرغم انها عامية وانت أحد ملوك الفصحة المتوجين طبعااااااااااااا ف والله بشكرك من كل قلبى ربنا يخليك :)


ثالثا ههههههههههههه انت مشكله حد الكارثة وبطل هاه بطل بئا هههههههههههه عالعموم التفاحة دى شىء راقى جدا شدسد الجمال والسموجدا بس لو وقولته مش هيبقى احساس شخصى ورؤية خاصة ليا يا ممكن هتبقى بتاعت امة محمد كلها والامم المجاورة :) هى شىء رائع ملفهوش حاجة وحشة يا شرير من اى نوع ههههههههههه

انت جميل ومنورنى والله ويارب ديما يا فنان :)

richardCatheart يقول...

مها البنا :)

شوفى يا مها انا نزلت البوست دا بسببك والله العظيم نوع من التكفير عن كم الاحباط اللى حاسيته فى ردك امبارح حاسيت ان الكلام عجبك الجمل بس الاحساس وجعك فقولت اصلحكم بئا وتفرفشوا والحمد لله انه عجبك جدا يا مها بجد

منوره الدنيا :)

richardCatheart يقول...

باشا يا باشا يا باشا

ربنا يخليك يا شريف يا ابو الغالى انا مبسوطة انه عجبك واكتر واكتر انى سبب ابتسامة ربنا يديم عليك ابتسامتك اللهم امين :)


وبعدين انت قفلت العليقات عندك ليه انا عجبنى اوى البوست الاخير بتاع شغلك جداااااااااااا يارب ديما مبدع يا شريف

منور مكانك

عبد الرؤوف عبد السلام يقول...

الحلم هو واحد من اسرار الاستمرار في الحياة

richardCatheart يقول...

رحاب صالح :)

اهو انتى اللى 100 عسل فى بعض ربنا يخليكى ياروبى منوارنى يا سكرة :)

richardCatheart يقول...

عبد الرؤوف عبد السلام


صدقت والله يا فندم كلامك حقيقى :)

نورتنى بالمرور الكريم