الجمعة، 26 يوليو 2013

وتشب تبص على بكرة !!!!!!!!!!!!!!


وتشب تبص على بكرة
وتقوله بكرة ياللى جاى
هاتــلى معـــاك غنيوة
وعيون ساكنها الــ ضى
نفسى فضحكة بــ لون الزهر
علــــى خـــــدى
نفسى فــ فرح يملا الكون
ولا يعدى
نفسى يابكرة تكون فرحان
ومالك زى
وفضلت شابة الشابة
ونور الشمس بيزغلل
عيونها بحلم جاى بكرة
فى أيده الفرشة والألوان
وهى واقفة تتبسم
عشان بـــكرة جـــاى فرحان
هــ يملا العمر بــ الأزهار والألحان
وصوت الطبل بــ يدقدق يرقص
قلبها الحزنان 
ويمسح عمر مر فى هم  
ويبدء عمربــ الألوان 
وهى واقفة تتبسم 
وتغزل ألف حلم وحلم 
وجوا الـــ ننى صورة واد
حليوه زينة الفرسان 
يحضن القلب ويطمن 
وجوا حضنه بر أمان 
وهى واقفة تتبسم 
وتشب تبص على بكر
 

هناك 4 تعليقات:

فاروق جبريل يقول...

واحنا بنشب معاها، بس تقريباً جالنا شد عضلىّ!

re7ab.sale7 يقول...

الله جملية يا مارو بجد كل مرة ادخل عندك الاقي حاجة بتشبهني
انت كل كلامك عسل كدة

Bent Men ElZman Da !! يقول...

"عشان بـــكرة جـــاى فرحان
هــ يملا العمر بــ الأزهار والألحان
وصوت الطبل بــ يدقدق يرقص
قلبها الحزنان
ويمسح عمر مر فى هم
ويبدء عمربــ الألوان "

التدوينة دي بترسم أبتسامة حلوة اوي علي وشنا
جميلللة يا مارو

وجع البنفسج يقول...

تدوينة كلها بهجة وأمل في بكرة
إن شاء الله تكون كل أيامك بهجة وسرور وتفاؤل كمان
:)