الأربعاء، 3 يوليو 2013

تحيــــا مــــــــصر ... أم الدنيا





ههتف بعلو الصوت
 يرن أسمك فالملكوت
يهز صحفة السما ويرد
فى الأرض يبنى بيوت
ويعمر الأصفر 
 ويضلل بشحر التوت
ههتف بعلووووووووالصوووووووووت
يرن أسمك فى الملكوت
بحبك يا ساكنة حشايا
ومنبتة بذور الحلم جوايا
دا أسمك جارى فى وريدى
ولو جف  دى روحى تموت
وههتف بعلوووووووو الصووووووووت
 يرن أسمك فى الملكوت
يأم الدنيا يا حضارة  
علمتى الدنيا تعيش أزاى
ونورتى ألف منارة 
وبنتى جسر الحرية
يوصلنا لبكرة الجاى
وصوت غُناكى بيعلا ويعلا ويعلا
 وماله سكوت
وههتف بعلو الصوووووووووت
يرن أسمك فى الملكوت
ورغم الوجع ياست القلب
لسة قادرة تشجينى
بصوتك ناى وسط الجموع بيحينى
وقادرة بحروفك ياغالية  تضمينى
وتداوى الجروح وتلملنينى
وقادرة رغم ضباب الطريق
 تهدى الخوف وتطمنينى 
وقادرة يوم الممات على ترابك
تزرغطى وبعلمك تلفينى
أنتِ لسة قادرة تشدى العزم رغم الهم
وأسمك ماله سقوط
وهفضل أهتف بعلو الصوووووووووووت
يرن أسمك فى الملكوووووووووووووت
 مـــــــــــــــــــــــــــــــــــصر






هناك 18 تعليقًا:

Bent Men ElZman Da !! يقول...

الله
وهنفضل نهتف ونهتف
ربنا يقوينا :)

Noha Saleh يقول...

سيدى سيدى على الكلام الجامد
وكمان بتكتبى شعر وأنا معرفش
ربنا يحفظ مصر يارب ويعدى اللى جاى على خير

فاروق جبريل يقول...

انتِ لسة قادرة تشدى العزم رغم الهم
وأسمك ماله سقوط

رشيد أمديون. أبو حسام الدين يقول...

حفظها الله ونجاها من شر الفتن
عبرت عن مكنونات الفؤاد، أحسنت.

وجع البنفسج يقول...

كلمات جميلة في حب الجميلة مصر

ربنا يحفظها يارب .. ويعدي هالغمة على خير ..

قلوبنا تلهج بالدعاء من أجلكم ..

heba atteya youssef يقول...


يرن أسمك فى الملكوت
بحبك يا ساكنة حشايا
ومنبتة بذور الحلم جوايا
دا أسمك جارى فى وريدى
ولو جف دى روحى تموت

تدوينه حماسي جداً .. حساها من قلب الميدان .. هتافك وصل لقلبي

اكتر من رائعه

تحياتي

وفاء سليمان يقول...

حلوة اوي بجد ربنا يوفقك

Amira Ahmed يقول...

جميلة اوى يا ناريمان
الله عليكى
:))
ربنا معانا ان شاء الله

re7ab.sale7 يقول...

الله الله يا مارو
تسلم ايديك

richardCatheart يقول...

بنت من الزمان دا :)


وهنفضل ليوم الدييييييييييييييييييييييييييييييييييييين عمرنا ماهبطل بفضل الله الحمد لله يا دينا الحمد لله هتفنا جاب الخير الحمد لله :)


منورة الدنيا يا قمرة

richardCatheart يقول...

نى نى

هههههههههههه شعر ايه بس انتى هتطلعى عيا سمعة دى شويه فضفضة على قدى ههههههههههههه يارب يا نهى يارب حافظها ديما بخير يااااااااااااارب


منوره الدنيا

richardCatheart يقول...

فاروق جبريل :)


منور ايفندم وان شاء الله وبفضله هتفضل قادر ان شاء الله هتفضل قادرة الحمد لله رب العالمين

منورنى حضرتك جدا

richardCatheart يقول...

رشيد أمديون. أبو حسام الدين :)


اللهم امين يارب العالمين ديما محفوظة ومحروسة يارب

اشكرك جدا وسعيدة جدا انى عبرت عن شىء حاسه دا شرف وفرحنى جدا :) كل التحيه

نورتى جداااااا

richardCatheart يقول...

وجع البنفسج :)


اللهم امين يا امتياز يارب سعيدة ان الكلام عجبك اشكرك واحساسك الجميل هو الطبيعى والمتوقع من أهلنا فى فلسطين الغاليه :) كل الحب لاهلنا فى فلسطين

نورتين يا جميلة

richardCatheart يقول...

هبـــــــــــة :)


اسعدينى انتى كمان تعليقك رشق فى قلبى ربنا يخليكى يا بوب :)

منورة الدنيا

richardCatheart يقول...

وفاء سليمان :)

اشكرك جداااااااا ربنا يخليكى ويارب كل التوفيق ليكى اسعدنى مرورك الطيب :)

منورانى اوووووى

richardCatheart يقول...

أميرة أحمد :)

انتى الأجمل يا أميرة ربنا يخليكى يارب الحمد لله ربنا كان معانا واكرمنا الحمد لله :)

ربنا كريم

نورتينى اوى اوى اوى

richardCatheart يقول...

رحــــــــاب

ربنا يخليكى ياروبى والله عليكى يا جميله تسلميلى :)


منورانى يا حبى