الأربعاء، 28 أغسطس 2013

فى البــــــــــراح ..........



نفسى أطير وأفرد جناحى
فى البراح
وأتولد مخلوق جديد يعرف
يداوى الجراح
قادر يكسر صمت صوته
قادر يمحى من الكون سكوته
ويفرد جنحاته شراع
ويوم مايندهه عالدنيا يلقا
صوته فرحة مش نواح
نفسى أطير وأفرد جناحى
فى البراح
ولما أقابل حلمى أعرف انه حلمى 
جايلى مع نور الصباح
انه لسه حر زيى وطلعله مليون جناح
لسه قادر يعلى أكتر 
رغم عمره المستباح
لسه قادر يعلى أكتر فوق حدود المباح
ونفسى أطير وأفرد جناحى 
فى البراح

هناك 4 تعليقات:

الازهرى يقول...

نفسى أطير فوق البراح
نفسى كلمة
من شفايف
تشفى قلبى م الجراح

نفسى أطير فوق البراح
أعبر النهر الحزين
أرسم الفرحة البريئة
فوق وشوش التعبانين

أمحى الأنين

أخلق الحلم فى خيالى
أعبر البحر الشمالى
ييجى بكرة
وفى ثوانى
جاى بالحلم الجديد

نفسى أطير
ولو ثوانى

تحياتى :)

Ali Soliman يقول...

اللـــــــــــه الله
ماشاء الله والله اكبر ..

ايه الجمال دا..
لا دى لازملها شير ضرورى (سرقة يعنى ) :D


صباح الابداع :))

Gamal Abu El-ezz يقول...

نفسى أطير وأفرد جناحى


كل منا يتمنى الطيران فى أجواء رسمها خياله له ولكن نصتدم بارض الواقع فى النهاية الا ان الأحلام قد تحقق ذلك



well يقول...

خدونى معاكوا ..انا كمان نفسى اطير
..
تحياتى