السبت، 14 سبتمبر، 2013

أزاى !!؟؟؟؟




أيوا بسأل أزاى قادر تعيش ؟
طب وليه بعدك أنا مش قادرة أعيش؟
مش قادرة أنسى
ومش قادرة أفتكر
غير عينك الطيبين
ونبض قلبك اللى ليا مليان بشوق
مليان أغانى فرحنين
لسة فاكرة
أنى لك كنت الوطن
كنت أرضك اللى زارع فيها 
عشق السنين
وأنت كنت
حضن حامى ليا  
من غدر الزمن
لسة فاكرة يوم لقانا
لسه فاكرة كل كلمة من كسوفنا
كنا نضحك وندارى فعيونا الخجلانين
كنا نهرب مالكون بحاله
جوا بعض
ونحلف ان يوم ماهيفرقنا بُعد
واللى بنا مايتنسيش
دا اللى بناعهد طاهر 
طُهوره من طُهر اليمين
غصب عنى لقتنى بسأل أزاى قادر تعيش ؟؟

هناك 4 تعليقات:

Gamal Abu El-ezz يقول...

الحب الصادق لا يضيع مهما بعدت المسافات فالشئ الوحيد الذى يغيره هو تغيير النفوس
وديما الإنسان بيعطى وعود كتيره للشخص الى بيحبه وهو فاكر انه ممكن يحققها لكن فى النهايه يكتشف إنه محققش منها حاجه

أحمد الصعيدي يقول...

الحب وشم علي قلب العاشقين

جميلة

والأجمل احساسك فيها

رحاب صالح يقول...

الحب الحقيقي مش بيتنسي
جميلة يا مارة كعادتك دائما

asmaa fathy يقول...

امممممممممم
مش عارفه اذا كان في قلب يفضل يحب
ويخلص في مقابل النسيان والتجاهل
معتقدش ان في حد يفضل يدي من غير ما ياخد

عموما البوست جميل وتوصيفك لية حلو

تحياتي