الخميس، 5 سبتمبر، 2013

عنـــــــها ........


وحين يسألونك عنها .. قل
هى الراحلة وبيدها القلب يمينا .... والروح يسارا
هى أخر مواثيق الأمانى وأخر عهود الأمان ...
هى الراحلة رغما وقصدا وبين الجفون لازالت تسكن ...

هناك 12 تعليقًا:

رحاب صالح يقول...

ممممممم
جميلة اووي يا مارو

Gamal Abu El-ezz يقول...

ولماذا الرحيل ما دام يحزن القلب والروح .............؟

اعتبريه سؤال على البوست الجميل ده

richardCatheart يقول...

رحاب صالح :)

تسلميلى ياروبى يارب انتى وطلتك الاجمل ديما :)

منورة الدنيا يا قلبى

richardCatheart يقول...

جمال ابو العز

اسعد الله صباحك

سؤال جميل بس غريب انا ماعرفش سن حضرتك بس اعتقد ان اكيد حضرتك شوفت كتير اكدلك ان ليس كل ما يتمناه المرء يدركة ويمكن ردى عليك هيكون يخص بوستى السابق ابناء الاقدار :) (أسفة فعلا الوقت لم يسعفنى فى الرد عليك فيه )

فنحن ياسيدى ابناء الاقدار وكتييييييييييييييير جدا بنحب حجات ونتعلق بها ورحلها بيقتلنا واحنا احياءء لكن لامفر من ارادة القدر او الممسمى الثانى الظروف :)

تفتكر احنا عندنا القدرة بالتمسك بكل حاجة بنحبها ؟؟

تفتكر احنا عندنا القدرة نعمل اللى عايزينه فعلا بنسبه كام بالمائة ؟؟
انا على قناعة تامة ان مالناش خيار نحن مخيرين فما سيرنا له
اسفة على الاطاله ولكن دائما تعليقاتك تفتح افاق للحديث الطيب :)

منور مكان حضرتك

momken يقول...

....

جميل البوست ماشاء الله عليكِ

تحياتى

....

Gamal Abu El-ezz يقول...

انا أعلم ان الأقدار الموضوعه للإنسان تكون فى الرزق سواء عمل أبناء أو أموال أو زوجة أو ما شابه فدائما نقول النصيب هو ما ساقنى لذلك إن الله رزقنى بكذا من الأولاد ورغم ذلك ترك لنا الله الإختيار بين العمل الصالح أو الطالح وعلى اساس ذلك يكون مثوانا الجنة أو النار أعاذنا الله منها وبالنسبه لأسئلتك أقدر اقولك إننا بالتاكيد يمكن أن نحافظ على الأشياء التى نحبها إنما لو كان اشخاص فهذا يتوقف على ارداة الشخص الذى نريد ان نحتفظ به
ولو فرضنا نسبه للأشياء التى نستطيع الإحتفاظ بها فهى تفوق 80% حتى أن هناك اشياء من المفترض اننا لسنا اصحاب اختيار لها ورغم ذلك يستطيع الكثيرين تغيرها مثل الديانة التى يولد بها كل شخص إلا انه من الممكن ان يغيرها ولكن فليتحمل توابع ذلك إن كان مقتنع بما يفعل

أنا أختلف معك فى أننا مخيرين فيما سيرنا له فلو كان الأمر كذلك لوجدنا كل الأشخاص على ديانة واحده ويحبوا اشخاص بعينهم

غير انى ارى أننا لو كنا مخيرين فيما سيرنا له فأن ذلك معناه أن ارادتنا تلك مزيفه وليست حقيقية قد نحب اشخاص ولكنهم لا يحبونا وعندما نفترق نظن ان القدر ظلمنا ولكن قد يكون نصيبنا أفضل من هؤلاء قد يكونوا خدعونا ولا ندرى
أنا أيضا اعتذر عن الإطالة وشكرا على كلماتك الطيبه وفتح مجال النقاش بالمدونة
سلمتى أختى الغالية

richardCatheart يقول...

ممكـــــــن


مساء الورد لصاحب حروف الورد :)

اشكرك جدا وسعيدة اوى انه عجبك يا ممكن صدرى انشرح والله :)


منور الدنيا ومكانك

richardCatheart يقول...

جمال ابو العز

مساء حضرتك خير يارب

سعيدة بردك الجميل بس واضح اننما من مدرستين مختلفتين انا معاك فى اللى قولته اننا ممكن نختار اه بس فى حدود ماارد لنا القدر ودا فى كل شىء مش بس الرزق والجواز حتى اختيار العمل الصالح والطالح هو ليس من اختيارنا انا شخصية شوفت شخصيات كتير فى الدنيا كويسه جدا وللاسف الظروف اجبرتهم على فعل الطالح رغم محاولاتهم القاتله فى اخيار الصالح

حضرتك وصفت الوصف اللى فى رأسى نعم نحن اصحاب ارده مزيفة ولكن ان كانت تحت مظله الله (القدر) فكل شىء مباح فهو الخالق وعندى يقين انه وضع التشريع فى فى الارض لتستقيم الحياه عليها والا اصبحت غابه بمعنى الكلمة اما عند الحساب سيحاسب كل انسانه بمفردة لان الله وحدة من وضع القوانين والتشريع لنا وهو القوحيد عز وجل القادر على التغاضى عنها ببساطة ل1ا شملت رحمته عز وجل كل شىء

حتى الان لم تتغير وجهتى نظرى اننا مخيرين فيما سيرنا له فقط واوعد حضرتك ان تغيرت سأعلنها جليا فأنا لست مطلقا بالشخصيه العنيده المتمسكة بوجة نظرها ان اتضح لى العكس :)

انا سعيدة بحوارنا الطيب جدا وتحياتى وتقديرى لوجهه نظرك الكريمة ولوقت حضرتك فى الرد عليا

كل التحيه والاحترام :)

نورت مكانك ونورتنى

well يقول...

.........
وحشتنى تدويناتك يا ريتشارد....
..
هى شئ جميل كعادتها .. وهو مازال مستسلم
..
تحياتى

Tamer Nabil Moussa يقول...

السلام عليكم

رائعة الكلمات

تسلم ايدك

مع خالص تحياتى

richardCatheart يقول...

ويل يا ويل ويل يا ويل ههههههههههههه

اخيرااااااااااااااا كنت غاطس فين يا عم والله افتقدناك بشده حقيقى يا صديقى الصدوق انت غايب من قبل ما ادون يا اكتر من شهرين :) المهم حمد الله على سلامتك ويارب ديما بألف خير وطلتك منورة :)

وستظل هى وسيظل هو يا صديقى :)

منور الدنيا والبلوج الجديد اللى مكانك كان محجوز فيه من غير ماتدخله والله :)

richardCatheart يقول...

تامر نبيل :)

مسائك معطر يارب اشكرك وسلم مرورك الطيب

منورنى والله :)