الاثنين، 9 سبتمبر 2013

يـــــا أبــــو العيـــــون الســـــــــود......


ياليل
 يا أبو العيون السود
غرقانة فى عيونك
عاشقة غُناك ياليل
  وصوتى من لونك
تشبه شجونى ياليل
وشجونى فيك قناديل
تضوى فقلبك ياليل
أسمع غُناك مَواويل
وتنده بأسمى أجيك
وأقعد أناجيك
وهمى عنى تشيل
ويطول سهرى ياليل
أنا أصلى دايبة فيك
أنا دايبة فى عيونك
ياليل 
طبب جراحى كمان
ياليل 
حنن عليا الزمان
ياليل
صمتك دفىا وحنان
دا دوايا فى سكونك 
ماأنا أصلى دايبة ياليل
أنا دايبة فى عيونك
بسمع غُناك مَواويل
وصوتى من لونك

هناك 8 تعليقات:

Gamal Abu El-ezz يقول...

من أجمل ما قرات اليوم
أتمنى من الله أن يوفقك
وأتمنى أن أقرا كلماتك فى كتاب مجمع
يحمل كثير من معان الحب والوفاء

سلمتى أختى الغاليه

well يقول...

ريتشارد
..
مساء الفل عليكى يا مارووو
الليل هو حياة تانية .. حياة هادية الواحد يقدر يفكر فيها بعيد عن دوشة النهار ... برغم انه ظلام الا انه ساحر بنجومه وساحر بأبتسامة الهلال وساحر بوجهه الكامل "القمر" بحب الليل بسحره وجماله وعيونه السود
(وصوتى من لونك)صوتك هادى كلامك ساحر
تحياتى ... وسعيد بموضوع الحوليات اللى خلانا نشوف كتباتك كل يوم

ابراهيم رزق يقول...

حلوة يا مارو بجد

تحياتى

richardCatheart يقول...

جمال ابو العز

يا مساء رفع المعنويات للسما :) شرف والله انها تكون من اجمل ما قرأت وشىء يسعدنى فةق ماتتخيل يا فندم

والله انا عندى طلت حضرتك عندى وطلت كل عزيز بيجى المدونه هنا ويضيع من مجهوده ووقته ويقرأ ويكتب تعليق اى كان هى بألف الف كتاب بجد والله

اشكرك جزيلا ويارب ديما منورنى اخى العزيز

richardCatheart يقول...

ويــــــــل يا ويــــــل مسائك ورد وفل :)

بعد كل الروعه اللى قولتها دى انا لا أملك الا الصمت احترما يا صديقى الصدوق

وانا بشكر وبنحنى للحوليا مليون مرة انها خلتك تشرفى كدا وتقرأ وتطلع الكلام الجميل دا يا ويل :)

اشكرك جداااااااااااا واسعدتنى كالعادة بوجودك وكلامك الطيب الجميل :)

منور مكانك يا ويل

richardCatheart يقول...

ابراهيم رزق

وحشتنا طلتك يا ابو زياد والحمد لله انك بخير ويارب ديما :)

ولما ابراهيم رزق يقول حلوة بجد تبئا فعلا حلوة بجد :)

ربنا يخليك والله انا مبسوطة اوووووووووووى انها عجبتك يا ابراهيم

منور الدنيا :)

SHARKawi يقول...

حلوة . وكلامها بسيط .
تشكراتي . كامل احترامي وتقديري . دعواتي وتحياتي

richardCatheart يقول...

شـــــرقــــــاوى

مسائك نور يارب :)

تسلم واشكرك على طلتك الطيبة

منور مكانك ديما :)