السبت، 12 أكتوبر 2013

فتـــحت قــلبــها للــــنـــور ......




وفتحت قلبها للنور
يغسل عيون دبلانة
يرسم البسمة
على شفايف زعلانة
يعطر الروح بعطر بخور
يملا شقوق الملامح فرح
شعاع من دهب
خبط فى القلب
خلى على خدها
الورد من تانى طرح
فتحت قلبها للنور
وقالت وحششششنى
ملعون أبو الهم
اللى عنك كان حيشنى
خليك هنا معشش
أمسح مكان الضلمة
خليك هنا معشش
أخلط الألوان بالعتمة
ولفنى بضياك داير مايدور
فتحت قلبها للنور
زقزق على رمشها عصفور
غنى غناوى الأمل
وفرد جناحه وطار
واخد معه الدموع
يملا بها بحور
ويرد بشال ورود
يحزم خصرها المشود
فمالت على غنوته تضحك
و فتحة قلبها للنور

ليست هناك تعليقات: