الأحد، 20 أكتوبر، 2013

خـــرص و حــــدوتة !!!!



عندى حاجات لابأس بها مكتوبة من يومين وفى من تلاته وامبارح . ممكن انزل اى حاجة واعملها بوست . بس انا كان نفسى اكتب النهاردة . عندى حاجات كتير ديما عايزة اقولها مابعرفش أو ماينفعش أو مايصحش أقولها !!! لما يجى عليا الوقت اللى مابعرفش اكتب فيع مابزعلش وبعتبرة راحة ان شالله اقعد سنة مش مهم . انما النهاردة لاء عايزة اكتب علشان فى حاجات وجعانى اوى وفى حاجات شغلانى وفى حاجات نفسى توصل بس مش عارفة اكتب ... وحاجات مخوفانى ... انا ديما كدا لما بيكون الاحساس اللى جوايا اكبر منى بحس بخرص ولو اتكلمت بقول كل حاجة فى الدنيا فى وقت واحد ومابعرفش اجمع ...  اهو انا حاسة بخرص  !!
عارفين ؟؟؟ هحكى ليكم حكاية هى يمكن ليكم مش حلوة بس انا بحبها  :)
مرة وهى قاعدة معه سألته ... هتعمل أيه لو صحيت فى مرة ملقتنيش ؟؟
هو .... سكت ... سكت ... سكت 
هى كررت السؤال ... بس المرة دى ضاعت الابتسامة من وشها لان عيونه الحلوين دمعت  !!
             هتعمل أيه لو صحيت فى مرة ملقتنيش ؟؟
هو بصوت مرعوش ومبحوح  وعيون مكشرين ... أنا جتلك من اؤضة ضلمة كنت بهرب من الناس وبدخل فيها لوحدى 
ولقتنى معاكى ...     ويوم ما اصحى ومالقكيش  هاخد بعضى وارجع الأوضة دى تانى بس المرة دى انتى بئتى جوايا هتعيشى معايا فيها وهتمليها نور   وبهجة واغانى وهحكيلك على بيحصل معايا طول اليوم وهسمع منك وهنسمع مع بعض كل الأغانى اللى بنحبها سوا 
هى وقتها سكتت كان قلبها هينط من مكانه من الفرحة بكلامه ومن الخوف ليجى اليوم اللى يصحى فيه مايلقهاش !!
ومر الوقت ومر الوقت ومر الوقت 
 وصحى ومالقهاش لا هو عارف راحت فين ولا هى عارفه هو راح فين !!!!!!!!!!!!!!
ومن يومها وهى  كل مابتحب تبئا سعيدة تجرررررررررررى وتسرق نفسها من الدنيا وتدخل اؤضتها اللى مش ضلمة لانها منوره بوجوده !!!
بس لسه بيجى عليها الوقت وتكرهه الدنيا لانه بردو مش فيها ...
توته توته خلصت الحدوتة وماحدش يقول ملتوتة   

هناك 6 تعليقات:

Gamal Abu El-ezz يقول...

حدوتة جميلة مدام الحب صادق وفيه وفاء وتراحم
الحب الصادق زى الأحجار الكريمة مش بتتقدر بالوزن ولكن بالقيمة والشكل

richardCatheart يقول...

جمال ابو العز


صباح الخيرات ونهار ابيض يارب :)


الحب الصادق لسه ماتخلقتش لغة توصفة او كلام يحتويه او حروف تجسده !!!!!!!

لسه اللسان بيقف عاجز فى اجمل لحظاته والصمت معه متعة لان كل حاجة فينا بتكون بتتكلم رغم صمتها حتى الروح


معلش اللون غامق مابلحقش افتحه ههههههههههههه

momken يقول...

.....

بحب الكلام الى بيحمل معانى كتير
والحدوته الى تنفع لناس كتير
بحب الكلام الى بيحمل غموضه كل الوضوح

تسلم ايدك

تحياتى

....

khaOula GueSmi يقول...

ومر الوقت ومر الوقت ومر الوقت
وصحى ومالقهاش لا هو عارف راحت فين ولا هى عارفه هو راح فين ....

وهكذا تنتهي الحكايات الجميل بحزن والم..لكن هما حتى لو لم يجدا بعضهما يعلمان ان ارواحهما مرتبطة دوما ..ومستحيل يجي يوم وينتهي هذا الارتباط..هو الحب الصادق مارو..
لا اعلم لم قلت اننا 'يمكن ما بنحبهاش'
القصة من القلب بدون شك..لهذا وصلت للقلب بسرعة..

سعيدة بمروري هنا :)

richardCatheart يقول...

ممــــــكن


صباحك ياسمين :)


وعلشان كل اللى قولته دا انا بحب جدا كتابتك :)


ربنا يخليك وسعدة اووووووووو انها عجبتك والله


منورنى ومنو مكانك يا ممكن

richardCatheart يقول...

khaOula GueSmi يقول...


يا صباح الجمال يا جميلة :)

صدقتى والله هو دا الحب الصادق الحقيقيى


انا قولت احرجكم وكدا واقول مش حلوة علشان انتم تقولولى لاء حلوة هههههههههههه


ربنا يخليكى يا سكرة ومنورة الدنيا