الاثنين، 21 أكتوبر 2013

فـــــــــى عـــــالمى !!!! الســـــــــــؤال التدوينى ...



فى عالمى أُعيد تكوينى من جديد ... فأولد من فكرة عن الحرية أو أخرى عن حب حد الجنون أو ثالثة عن فقد وغياب لوطن محموم ... فى عالمى أنا الجنين الأوحد فى رحم الأفكار ... ف فى عالمى كل الحيوات أبدية لاتنتهى إلا بموت المعنى ... والمعنى عندى خالد لا يموت ... حتى أنا فيه لا أموت ..كلما أنتهى وهج فكرة أولد من أخرى الآف ملايين الأرحام (الأفكار) .. فحياتى وأنفاسى أفكار والآفكار تحيا رحالة ذات أجنحة بيضاء لا تتوقف عن ضرب الهواء خالدة بخلود الأرض ولاتفنى إلا وهى محتضناها  ... فى عالمى أنا الأسعد حتى وأن لم أكن الأسعد !!


*********


الفكرة هنا أنى بحب العالم التانى وانا بكتب .. يمكن عادتا لانى برتجل الوقت مابيكونش طويل للاسف بس بيكون ممتع وانا هناك لاء مش ممتع دا حاجة كدا بتاخد الروح .. دا كدا وانا اللى بكتب على قدى مابال الناس العباقرة امثالكم بئا لما بيرحوا هنا بيحسوا به ؟؟
طبعا الطبيعى نعيش ونخلى بالنا من شغلنا ومستقبلنا ودرستنا وكل الكلام الممتاز دا بس انا عن نفسى نفسى افضل هناك ومارجعش :) 


ســـــــؤالى 

أيهما أكثر متعة لك وتفضل البقاء به وقت أطول حين ترتحل وتكتب وتذهب حيث عالمك الأخر هناك ؟؟؟ أم هذا العالم الواقعى ؟؟

هناك 8 تعليقات:

Ali Soliman يقول...

بصى هو هاقولك ..

من غير العالم الواقعى مش هايبقى فيه العالم التانى
ومن غير العالم التانى صعب نتقبل الواقعى . الفكره مش ايهما احسن
انما قدرتك على عمل شئ ينتج عنهم ويخليك دايما سعيد..

حالة السعادة اللى بتكون بالنسبالى ع الاقل فى العالم التانى هى قدرتى ع الوصول لترجمه الواقع او محاوله تغيره او تحليله ع الاقل

دا بيعملى نوع من تخفيف عبء الواقع شويه ..بينتج عنه انى بعرف اخد نفسى
بعرف اوزن شويه من نفسى
لا تغرق فى الواقع ولا تطير فى العالم التانى ....


سؤال مميز ..
اعترف ان العالم التانى بالنسبالى لو بالامانى نفسى افضل فيه عالطول
وماطلعش منه ، نفسى اتنفس حروف واتسنشق كلمات وتعبيرات
واكسب فى معارك ضد اعتقال الكلمه جو النفوس ..

بس ياريتها بالامانى وبس ..:)

Gamal Abu El-ezz يقول...

كلنا لازم نعيش الواقع لانه الحقيقه ولكن الخيال هو المتنفس الوحيد للإنسان ممكن يكون الواقع مرير بس الخيال أفضل
مشكلتى طول عمرى ان بحب عالم الخيال أكتر وبهرب ليه كتير انا بعتبره عيب مش ميزه
وعالمى الإفتراضى حقق لى شئ كنت بتمناه ومش لقيته الا فيه ديما كنت بتمنى أكتب مقالات صحفية بس طبعا لا ده مجال دراستى ولا شغل بالنسبه لى دا غير ان العالم الإفترااضى أنا بحب الناس الى فيه بجد لانى معرفهمش شخصيا لكن يكفى انى عارف عقولهم
الواقع والخيال متكلملان لكن هناك من يهرب للواقع من الخيال وهناك من يهرب للخيال من الواقع
تحياتى لكى أختى الغالية

رحاب صالح يقول...

حتي لو كان الخيال حلو
هختار الواقع
لان الواقع انا عايشة فيه واقدر احلم واحقق حلمي
لكن الخيال هيفضل خيال ومش هقدر احلم ولا اقاتل لتحقيق شيء اريده
لكن الواقع اجمل ما فيه انك تقاتلين لتحصلي علي ما تريدين وتشعرين بسعادة بالغة وقتها

واقع الخيال يقول...

الخيال اعش به دون اختيار انا دائما ماطلق على نفسى امرأة خيال خيالى واقع وواقعى خيال حاله غريبه لكنى احياها حقا

richardCatheart يقول...

عــــــــــلى

صباحك ندا دائما وابدا :)


عجبنى رأيك جداااااا يا على والله وبتفق معه :)

وعلى رأيك يارتها كانت بالأمانى وبس


منور الدنيا يا على

richardCatheart يقول...

جمال ابو العز

صباح السعادة :)

انا بردو متفقه مع ردك جدا ولاونى زعلت انك ماطلعتش صحفى او كاتب لان الاسلوب اللى بشوفة فى المدونه اكثر من رائع واكيد كنت هتنجح فى المجال دا جداااااا

اشكرك ومنور الدنيا يا جمال

richardCatheart يقول...

رحااااااااااااااب


صباح الفل يا فلتنا الجميله :)


يا وااااااااااد جاااااااااامد يا فاااايتر يا مقاتل انت :)

ربنا يقويكى وتقدرى ان شاء الله تعملى واقع اجمل واحلى من كل خيال


منورة الدنيا يا رحاب :)

richardCatheart يقول...

واقع الخيال

سباحك ساحر كالخيال :)


جميل تعليقك يا امرأه ملكت العالمين :)

منورانى ومنورة الدنيا