الأربعاء، 23 أكتوبر، 2013

مـــــــــــــــــاريــــااااااااا .................


كل حبة مطر تنزل 
تغسل فروحنا
واحنا فى حضنك دفينين
تبدور شورعك لولى
تفرح قلوب الحزنانين
نلملم من بين رصيفك شجن
ماسح بأيده عالجين
كاتب على الحجر ذكرى
كاتب أسامى بعمر السنين
يا حلوة ياللى دمعتك محلياكى
وعنيكى بحر لون سماكى
عشقة أنا ريحة هواكى
من زمن ومن سنين 
برسمك زى أسمك يا ماريا
زى عدرا بنت بكر ومستحية
واخده منها طُهرساكن
فى الشوارع والبيوت
فى الحوارى حتى الشطوط
فينا منك ألف حتة
  حتى شعرى كهرمانى
زى رملك معجبانى
أما العيون موجة فى بحرك
أصلى منك من شوارعك
من بيوتك القديمة اللى شبهك
وارثة كل حاجة فيكى حتى طبعك !!

ليست هناك تعليقات: