الاثنين، 28 أكتوبر 2013

مابين الكرامة و المشاعر !!!!!!!



ســــــــؤال طرحته صديقتى وأختى الأنن أسمة غزال على بيدجها الخاص  بنــــت مــــن مـــــصر

السؤال يبان تقليدى ويبان عادى ... بس أنا شايفاه صعب !!!!

الســـــــؤال (  ممكن تتخلى عن مشاعرك ف سبيل راحتك وكرامتك ؟)

طبعا فى ناس هتسخن اوى وتقولى لالالالالالالالالالالالا إلا كررررررررررررامتى !!!

 ودا بردو رد تقليدى زى بالظبط الفول لازم يتعمل بالزيت والبيض بالزبدة :)

سؤال صعب,,, بس الاكيد ان اللى بيتخلى عن كرامته علشان مشاعرة بيخسر الأتنين إلا اذا كان الطرف الاخر مقدر معنى التخلى عن الكرامة ايه

الصعوبة عندى فى السؤال رغم تقليديته انه نسبى .. مفهوم الراحة والكرامة نسبى بمعنى اللى يجرح كرامتى وارد جدا مايجراحش كرامة غيرى حسب الفكر والرؤيه الخاصة بالانسان ومدى ارتباطة بالطرف الأخر 

سؤال صعب لان السؤال اللى ورا ديما هل فى انسان يستاهل دا فعلا ؟؟  وبيفضل الواحد فى صراع داخلى مابين عقله وقلبه وكل حد بيشوف حبيبه اكيد يستاهل او علشان يطمن نفسه بيقنع نفسه بدا والمتعب فى الأمر أن ...

الناتج عن دا مانقدرش نحدده لان رد الفعل والتقيم للتنازل هنا غير معروف بشكل فورى 

  • المواقف بئا هى اللى  تبين بس  بعد مابيكون التنازل  حصل فعلا  أو سلسلة من التنازلات مثلا ... ويا أما كان صح والانسان مش خساران بالعكس كسبان او ان التنازل كان غلط وساعتها الانسان بيكره نفسه 

    من وجهه نظرى ان هيفضل قرار الانسان انه يتنازل عن كرامته مقابل مشاعرة مرهون بمدى تقدير الاخر لدا فى وقته او بعد كدا 

    انا شخصيا بعتبر ان اى اتنين مرتبطين ببعض هما شخص واحد وروح فى جسدين ماينفعش شىء تالت يدخل يفصلهم حتى لو كانت الكرامة اه طبعا مش مطلوب الانسان يستحمل ما لاطاقه له به دا طبيعى لان دا فى حد ذاته مع الوقت كفيل انه يقتل المشاعر خصوصا عند الست انما مايكونش عمود اساسى ومرئى فى العلاقة وكل واحد شايل كرامته على كتافه وماشى بها  ممكن دا طبيعى مع الناس عموما انما فى المشاعر وبين المحبين لاء 
    أنا طرحت عليكم السؤال رغم انى كنت هنزل حاجة تانيه خالص بس قولت اسمعكم وتشركونى  :)


    صباحكم فل يارب

    :) 



هناك تعليقان (2):

Norita Vimpero يقول...

لو تقصد ف الحب .. بين اي اتنين مرتبطين .. مفيش حاجة اسمها كرامة عشان الاتنين واحد ولازم كل حد يتنازل مرة بالتناوب ويضحي و و و

richardCatheart يقول...

Norita Vimpero يقول...


مساء الانوار
انا متفقه معاكى تماااااااااااام :)

اشكرك على المشاركة وطلتك الجميله

منورة الدنيا :)